Трендовите од деведесеттите дефинитивно се враќаат на голема врата. Хејли Бибер, Џиџи и Бела Хадид … се само дел од имињата на трендсетерки кои ни покажаа како да го претставиме стариот стил на помодерен начин, а сега на листата се приклучи и Зои Кравиц.
Убавата актерка која моментално ја гледаме во „Бетмен“ во емисијата „The Tonight Show Starring Jimmy Fallon“ се појави со неодолива фризура која сигурно сте ја носеле барем еднаш во деведесеттите.
Зое ги искомбинира предните „антени“, односно тенки прамени кои го врамуваат лицето, на поинаков начин што на се’ дава помодерен шмек. Имено, таа се одлучила за висока пунџа со нив, додека косата дополнително ја „лижела“ со гел.
Згора на сето тоа, од предните прамени исплете тенки плетенки, кои беа малку искривени на краевите. Оваа фризура дополнително го истакна нејзиното лице, особено јаболчниците, а дополнителен шмек на изгледот беа пристојните дијамантски обетки.
Нејзината фризура веќе некое време важи за главен тренд, а дополнителна популарност и даде серијата „Еуфорија“. Стилистите и фризерите советуваат да го носите исто како што го носи Зои – со комбинација или од високо опавче или со пунџа, а косата дополнително да ја „измазнете“ со гел или спреј.
