Ова е веројатно прв пат куче да не остави без здив со својот моден стил…
Ви ја претставуваме најновата сензација на Инстаграм, италијанскиот мелез Боби Били, кој е секогаш најелегантно облечен и подготвен да ги разниша нашите ставови и да нè натера да ги преиспитаме нашите модни избори.
Наречен @boobie_billie на Инстаграм, стилското кутре може да се види облечено во јакни, џемпери и спортски ткаенини на некои од најпопуларните брендови на денешницата, како што се Jacquemus, Prada и Fendi, придружени со убаво дизајнирани чанти на елегантен начин. Неговиот профил досега собра 250.000 следбеници, чиј број расте од ден на ден. Според гласините, ова мало кутре наскоро би можело да ја лансира својата лична колекција на мали женски чанти и зачудувачки шалови.
Коментирајќи ги новите вести, главната sвезда зад популарниот профил (веројатно нејзиниот главен човек за односи со јавност) изјави: „Голем број на инфлуенсери ги поседуваат своите производи и продаваат различни линии. Ова е мојот личен бренд. Јас, однапред ги задржувам правата да ја ставам мојата убава муцка на маиците, што веројатно ќе се случи во одреден момент, но целиот проект се базира на создавање на нешто далеку поголемо од тоа. Тоа е пред се сериозен моден бренд, без премногу сериозен став, се разбира“.
Боби Били се чини дека е некој кој навистина има голема љубов кон малите чанти и не би биле изненадени да видиме неколку импресивни модели во нејзината претстојна линија. Оваа модерна топка со крзно сака луѓето да се чувствуваат среќни и оддалечени од сè што искусуваат секој ден, а како што и самата изјави, секогаш сака да биде тука за вас, со цел, да се чувствувате како мало ангелче.
