Поранешните холивудски сопружници Џони Деп и Амбер Херд беа на суд шест години, а сега конечно пристигна официјалната потврда – конечно дојде крајот на најгледаниот и скандалозен спор на денешницата. Како што пишува Daily Mail, холивудскиот актер и неговата поранешна сопруга конечно се решиле за тужбата за клевета што ја поднеле еден против друг, а позната е и вртоглавата сума што осигурителната компанија на актерката ќе треба да ја плати за да се стави крај на спорот…
Адвокатите на парот успеале да постигнат договор според кој осигурителната компанија на Херд ќе му плати на Деп 1 милион долари за да стави крај на овој долгогодишен спор, дознава Daily Mail.
Поранешните сопружници беа на суд шест години, а пресудата на крајот беше во корист на Деп, Амбер мораше да му плати 15 милиони долари, а тој да и плати 2 милиони.
Сепак, Амбер и нејзиниот правен тим поднесоа жалба бидејќи веруваат дека судот згрешил што му дозволил на Деп да добие отштета врз основа на некои од претходните изјави на Херд, наместо само на интервјуто за Washington Post, за кое тој ја тужеше за клевета.
Изгледа на крајот се договориле,а на Херд сега и е дозволено да зборува за случајот, претходно и било забрането и како што велат, сè уште не признава никаква форма на вина.
Амбер едвај чека да продолжи со својот живот сега, како што планирала пред шест години. „Таа сака да ја остави оваа несреќна епизода зад себе и планира да се фокусира на она што го сака, кариерата, семејството и животните цели“, рекол извор близок до актерката за Daily Mail.
Да потсетиме, Џони Деп и русокосата актерка Амбер Херд се запознаа на снимањето на филмот „Puerto Rican Nights: The Drinking Diary“, а по страсна романса, парот се впушти во брак кој не траеше долго. Моментално се во центарот на медиумското внимание поради долгогодишното судење кое продолжи во неочекуван пресврт.
Холивудскиот миленик ја загрози својата кариера откако почнаа да пристигнуваат обвинувања за злоупотреба на неговата сега веќе поранешна сопруга. Но, многу брзо актерот и возврати.
Ѕвездата на филмот „Пиратите од Карибите“ ја обвини својата поранешна сопруга во обвинение за 50 милиони долари, дека таа му ја уништила кариерата и кажала низа лаги за него и неговиот живот.
Поточно, Џони Деп ја тужеше Амбер Херд за клевета, откако таа напиша статија за „Washington Post“ во 2018 година во која себеси се нарекува „јавна личност која застапува семејна злоупотреба“.
Судскиот процес за клевета затоа стана жестока битка, а во јавноста секојдневно излегуваа нови, скандалозни детали за нивниот турбулентен брак.
