Кој ќе биде следниот Џејмс Бонд? Ова е прашање што се кршат сите копја откако Даниел Крег објави дека се повлекува од филмската франшиза што му донесе слава. „No Time to Die“ е последниот филм во кој тој ќе го отелотвори агентот 007, по продолженијата на „Casino royale“, „Quantum of Solace“, „Skyfall“ и „Spectre“.
„Завршив со Бонд“, изјави британскиот актер кон крајот на 2019 година кога додаде дека е време некој помлад и искусен актер да го наследи.
Медиумите шпекулираа за новиот Бонд, споменувајќи ги Идрис Елба, Том Харди, Ричард Меден, Том Хидлстон, Хари Стајлс, па дури и една актерка – Лашана Линч, која глумеше во најновото продолжение на „No Time to Die“.
Сега, за прв пат, продуцентот на франшизата Барбара Броколи зборуваше за тоа во интервју за „Тотал филм“.
– Јас секогаш велам дека можете да бидете за вљубени само во една личност. Кога филмот ќе има премиера и ќе помине извесно време, ќе размислиме за иднината. Во овој момент, не можам да мислам на никого, освен Даниел Крег, додаде Барбара.
– Оваа улога ќе треба да се редизајнира, на начин на кој секој актер ја замислува индивидуално. Ова е токму она што е возбудливо и забавно со оваа франшиза, улогата се развива. Кога ќе размислиме за тоа, ќе ја најдеме вистинската личност, продолжи таа.
Таа навести дека потрагата по вистинската личност нема да биде ограничена на традиционалните актери, како што беше досега.
– Не мора да биде човек од бела раса. Барем што се однесува до мене, додаде таа.
Што се однесува до изборот на жена за улогата на Џејмс Бонд, Барбара Броколи не се предомисли.
„Треба да создадеме женски улоги, а не да го претвораме мажот во жена“, изјави таа.
