Пејачката Ели Голдинг и нејзиниот сопруг Каспер Џоплинг го очекуваат своето прво дете.
34-годишната пејачка ја објави среќната вест во искрено интервју за списанието „Vogue“ во кое гордо го покажа својот труднички стомак.
Голдинг вели дека сакала поголемиот дел од нејзината бременост да биде далеку од очите на јавноста, за да може да се фокусира на фактот дека ќе стане мајка.
„Кога дознав дека сум бремена, не можев да поверувам дека тоа е вистина“, изјави Голдинг, а потоа продолжи.
„Помислата да бидам бремена не ми беше реална… Бременоста некако ме натера да се чувствувам човечки. Сакам да најдам подобар збор од „женствено“, но, имам облини кои никогаш порано не сум ги имала. Уживам, а исто така и мојот сопруг“, сподели Ели
Пејачката и Каспер се заедно од 2017 година, а во 2019 се венчале во готската катедрала Јорк Мунстер во англискиот град Јорк, пред која се собраа бројни обожаватели, како и познати личности кои дојдоа на венчавката.
Ели е позната по тоа што внимавала на својата линијата, па истакна дека не и било лесно да премине од салати и здраво јадење во брза храна, по што копнеека уште од бременоста.
