Дејвид Бекам сигурно некаде ќе ја врами оваа фотографија. Едноставно,од премногу висока класа е!
На Формула 1 трката во Мајами имаше возбудувања, на крајот Макс Ферстапен победи пред два болида на Ferrari и со тоа ја намали предноста на Шарл Леклер во генералниот пласман.
Сепак, повеќе погледи беа вперени околу пистата отколку во самата писта! Се добива впечаток дека најголемите светски ѕвезди никогаш побројни не присуствувале на една трка, а Дејвид Бекам повторно бил еден од најзабележаните.
По трката тој на својот Инстаграм профил објави фотографија која го воодушеви светот на спортот. Тоа го покажа Бекам како позира заедно со некои од најголемите имиња досега.
Покрај поранешниот играч на Манчестер Јунајтед, Реал Мадрид и Милан беа најдобриот кошаркар на сите времиња, Мајкл Џордан, легендата на НФЛ и рекордер Том Брејди, како и Луис Хамилтон, седумкратниот Ф1 шампион кој заврши на шестото место на трката.
