Легендарниот тенисер, 33-годишниот Новак Џоковиќ и неговата сопруга Јелена, заедно со своите деца, тригодишната Тара и двегодишниот Стефан, како и повеќето спортисти, често престојуваат во Монте Карло, кој исто така е пригоден дом за српската пејачка Лепа Брена. Сепак, пишува српскиот Телеграф, фамилијата Џоковиќ сега одлучија да се преселат во Марбела, туристички град на југот на Шпанија, каде што купија луксузна куќа во која веќе престојуваа додека Новак се подготвуваше за турнирите.
Вилата, но и сончевата Шпанија, на Новак и Јелена толку многу им се допаднаа што решија да го купат имотот, кој порано го изнајмуваа, за да можат да го имаат само за себе. Според шпанските медиуми, семејството издвоило неверојатни десет милиони евра за прекрасната вила.
Новиот дом на ова семејство се наоѓа на најлуксузната локација на островот, кој нуди поглед кон морето и планините околу островот. Вилата во главната куќа има дури девет соби, осум бањи и две соби за гости. Исто така има и пространа теретана, но и билијард просторија, пространа приватна кино и, се разбира, тениско игралиште и прекрасна тераса.
Инаку, Новак веќе неколку пати даде мал увид во својот нов, луксузен дом на социјалните мрежи, кога на Инстаграм објави фотографии од Марбела за време на подготовките за турнирите.
