Пирс Морган е еден од најпознатите и најплатените британски ТВ-личности, но сега се откажа од тоа затоа што не можеше да ги контролира нервите кога станува збор за војвотката од Сасекс и експлозивното интервју со Опра.
Едно од најпрепознатливите лица во Велика Британија, водителот на популарната утринска емисија „Good Morning Britain“, 55-годишниот Пирс Морган, дал оставка на сред емисија и нервозно заминал од сетот, откако бил нападнат од колегата Алекс Бересфорд за критички коментари за Меган Маркл, која Пирс честопати ја критикуваше во емисиите претходно.
„Разбирам дека не ја сакаш Меган, тоа многупати им го соопштивте на сите гледачи во ова шоу и разбирам дека сте биле приватно поврзани со неа, додека не ве откачила. Но, таа има право да откачи кого сака. Дали некогаш таа зборуваше за тебе? Јас не мислам така, и ти сеуште не престануваш да ја клеветиш “, му рече Алекс Бересфорд на Пирс, кој потоа поцрвена „како рак“ од гнев.
