Водителката на подкастот на Би-Би-Си, Дебора Џејмс (40) објави дека одлучила активно да го прекине лекувањето со рак на дебелото црево во стадиум IV. Болеста првпат ѝ беше дијагностицирана во 2016 година, а Дебора на својот Инстаграм профил објави детали од борбата против тешката болест.Неодамна откри дека минувала низ најтешкиот период кога за малку ќе умрела во болница, а во тој момент решила да го прекине лекувањето за да ги помине последните денови со семејството.
-Моето активно лекување престана и сега сум префрленa на болничка нега дома, со моето неверојатно семејство околу мене и фокусот е да не се повредувам и да поминувам време со нив. Никој не знае колку време ми преостанува, но не можам да одам, спијам поголем дел од денот, а за работите што ги земав здраво за готово сега можам само да сонувам. Знам дека направивме се што можевме. Во текот на повеќе од пет години пишување за тоа како мислев дека ќе биде мојот последен Божиќ или дека нема да го прославам мојот 40-ти роденден или да ги гледам моите деца како одат во средно училиште… – започна водителката.
-Всушност, не ни замислував дека ќе напишам пост во кој навистина се збогувам. Мислам дека тоа беше некоја бунтовничка надеж во мене. Но, дури и со сите иновативни лекови против рак или некое магично ново откритие, моето тело едноставно не може повеќе да продолжи. Сите сте неверојатни, ви благодарам што ја одигравте вашата улога во моето патување. Без каење. Уживајте во животот“ – заклучила Дебора, а во коментарите ја контактирале многу следбеници кои и праќале пораки за поддршка.“ Ти праќам многу љубов“, „Ти си прекрасна личност, само да знаеш колку животи си сменила , ”Ти си инспирација, блескава ѕвезда, продолжи да се бориш”, ”Ти благодариме што си толку посебена”, ”Те сакаме, испраќаме многу сила на твоето семејство”, ”Ти се вистинска кралица“, „Срцето ми е скршено кога го читам ова, испраќам љубов и сила на твоето семејство“,и напишаа пријателите.
