Секој пат кога сакаме промена (и да бидеме искрени, тоа е барем 5 пати на ден), се гледаме во огледало и се упатуваме кон косата. Боја, раст, прамени, должина, текстура … има многу работи што би ги смениле веднаш, а најчестата дилема е – шишки, да или не? Бидејќи шишките бараат посветеност и одржување; прашањето е дали сме подготвени за таков вид обврска. И што ако се покаже дека тие навистина не ни одговараат?
Затоа бевме воодушевени од фризурата на инфлуенсерката Матилда Џерф, а сличен стил носат и шминкерката Кети Џејн Хјуз и мега популарната Џенифер Лопез. Слоевити, полу-долги шишки што непречено се мешаат со долги кадрици, врамувајќи го лицето и создавајќи впечаток на разиграност и волумен.
Прославени од Фара Фасет и Брижит Бардо во 1970-тите, ги носеше и Голди Хоун, а Џулија Робертс покажа како изгледаат на кадрава коса.
И како изгледа 2021 година? Секси и неодолива. Во прилог ви приложуваме неколку фотографии како пример што може да ѝ го покажете на вашата фризерка.
