Полната месечина во Бик во сезоната на Скорпија докажува дека, иако Бикот и Скорпијата се всушност спротивни знаци, тие сепак имаат многу заедничко. И двете животни, по кои се именувани овие два знака, стојат цврсто на земја, се движат и живеат со неверојатно трпение. Според тоа, трпението е моќна движечка сила за двата знака, освен што за секој од нив претставува нешто различно – Бикот трпеливо се движи кон свет во кој може да се заљуби и во кој убавината се цени и негува, додека Скорпиите го одржуваат своето трпение преку медитација, стратешко чекање во темнината за момент на одмазда или момент кога „смртта“ ќе донесе нов почеток.
Но, еве сите сме пред нови почетоци – полна месечина во Бик, најдолго затемнување на Месечината кај Близнаците, Венера што владее со Бикот е во Јарец и правење тригон (триаголник) со Уран во Бик, а цело време сме во сезоната на Скорпија. Меркур, кој владее со Близнаците, е веднаш до Сонцето во Скорпија, додека Марс е исто така во Скорпија.
И, токму тука е поентата на целата оваа приказна – воздржаност и упорност, но и предавање и ослободување. Нашите односи со другите луѓе ќе се променат во однос на ставот што го имаме за себе. Но, не е лесно да се почне од почеток, и со некој нов и со некој стар со кој ни треба промена, но кога ќе ја прифатиме нашата ранливост и ќе излеземе од нашата комфорна зона, наградени сме со потребната прошка и посакуваната интимност.
Во наредниот период треба да се отфрли кревкоста и да се прифати својата сила, треба да се биде храбар, не и покрај стравот, туку во корелација со него. Треба да го прифатиме и почитуваме она што умрело во нас и околу нас за да ја разбереме вредноста на животот и да можеме да го живееме во потполност, најдобро што можеме. Треба да цениме се што носи животот, а овој став е она што треба да го започнеме од почеток.
