Во годината што стоеше зад нас, која „се чини дека траеше многу подолго од 12 месеци“, имаше возбудливи настани и во светот на уметноста, а онлајн магазинот „ARTnews“ наведе неколку од најважните уметнички настани во 2020 година.
На врвот на овие настани, списанието става, цитирајќи го Мостафа Вазири, генерален секретар на египетскиот Врховен совет за антиквитети, како „најголемите откритија за 2020 година“, кога археолозите откриле повеќе од 100 обоени ковчези во некрополата во Сакара, јужно од Каиро.
Ковчезите, пронајдени запечатени и недопрени, биле откриени со погребни маски, вазни со настрешници и статуи и најверојатно датираат од доцниот и птоломејскиот период на Египет (664-30 п.н.е.).
Во март, според ARTnews, сликата на Винсент ван Гог од 1884 година со наслов „The Parsonage Garden at Nuenen in Spring“ била украдена од музејот „Singer Laren“ во Холандија, додека институцијата била привремено затворена како дел од блокадата поради пандемијата. Видеата подоцна покажаа дека крадците ја пробиваат стаклената врата на музејот со чекан. Уметничкото дело сè уште не е пронајдено.
Иако ниту една кражба од ерата на Ковидот не е толку важна како оваа во Singer Laren, и други музеи се соочиле со вандализам поради ослабената безбедност додека музеите биле затворени.
ARTnews, исто така, потсетува дека пред пандемијата на вирусот корона да ги принуди уметничките институции и саемите низ САД, Европа, Јужна Америка и други локации да се затворат или одложат, музеите во Кина и Хонг Конг веќе ги затворија вратите за јавноста.
Во јануари, институциите како Националниот музеј на Кина во Пекинг, Музејот на уметноста Гуангдонг во Гуангжу, Музејот на уметноста на Унијата во Вухан, Центарот за современа уметност УЦА (кој има неколку локации низ Кина) и јавните музеи во Хонг Конг биле затворени за да се ублажи ширењето на Ковид -19. Овие рани затворања навестуваа продолжена дисфункција, која длабоко се чувствувала во Кина – и многу подалеку – во следните месеци.
Откако ја откажаа продажбата во живо, отпуштањата и финансискиот пад на врвните аукциски куќи, Christie’s и Sotheby’s биле принудени брзо да ги конфигурираат своите традиционални аукции, што резултираше со своевидна блокбастер аукција: вечерна продажба во повеќе преноси во живо, комбинирајќи наддавања од повеќе градови, со десетици илјади гледачи низ целиот свет. Sotheby’s е првиот што го тестирал новиот формат со петчасовна вечерна продажба на 29 јуни.
Годината што завршуваше беше обележана со уривање, отстранување и реконтекстуализација на спомениците, па според магазинот, во светски демонстрации против полициска бруталност и расизам, беа демолирани споменици на наводно расистички историски личности во градовите од Шарлотсвил во Вирџинија до Јоханесбург во Јужна Африка. Во некои градови, официјалните лица сами ги отстрануваа спомениците, а во други случаи, демонстрантите ги зедоа работите во свои раце и ги сквернавеа и демолираа спомениците.
Како еден од настаните што ја одбележаа 2020 година во светот на уметноста, ARTnews ја наведува идејата на британскиот архитект Дејвид Аџаја за нов музеј во градот Бенин, Нигерија. Иако сè уште е во фаза на предлог, Музејот на западноафриканска уметност – Едо, би можел да стане повеќе од погоден дом за бенинска бронза и други предмети ограбени или преместени низ целиот свет со сомнителни средства.
Кога плановите излегоа во јавноста во ноември, Ајај за New York Times изјави дека го замислува музејот како дом на „ренесанса на африканската култура“, додавајќи дека тој „прво мора да биде за заедницата, а потоа и за меѓународна атракција“.
