Британската компанија Ralph & Russo во никој случај не е непозната за оние кои го следат изгледот на sвездите на црвениот тепих – тие облекоа многу познати личности со своите импресивни модни креации. За жал, како што откри раководството, компанијата банкротира.
Избувнувањето на пандемијата резултираше со огромен пад на продажбата на лондонската компанија, која сега ќе ја надгледуваат стечајните власти, со цел да се преструктуира и да се спаси бизнисот.
Обраќајќи им се на медиумите, креативниот директор и основач на куќата, Тамара Ралф изјави: “Во последните 11 години Ralph & Russo беа мојата апсолутна љубов и страст. Заедно со мојот талентиран персонал и квалификувани занаетчии во самото срце на куќата, изградивме меѓународна луксузна модна куќа. Во последните 12 месеци, наидовме на невидени услови за време на пандемијата, што резултираше со огромен притисок врз нашиот бизнис и нашите добавувачи. И покрај овие тешкотии, ние продолживме да им служиме на нашите клиенти цело ова време“.
Ralph & Russo е основана во 2010 година од Тамара Ралф и Мајкл Русо и стекна верни клиенти на кои дизајнерот им се заблагодари за поддршката во овие тешки моменти. „Тие ме уверија дека овој процес ќе ни овозможи да го рефинансираме бизнисот и ќе ни овозможи да продолжиме да го работиме она што го сакаме: да создаваме прекрасни работи за жените ширум светот. Јас се залагам на подобри денови во иднина за овој бренд и ќе останам посветен. Моите клиенти, персонал и јас имаме нераскинлива врска и ќе го надминеме сето тоа заедно“, заклучи Тамара Ралф.
