По Анџелина Џоли, холивудскиот актер Бред Пит често го поврзуваа со многу дами, но тој никогаш во јавноста не разменил нежности со некого – до сега.
Бред Пит (58) по разводот со Анџелина Џоли стана најпосакуваниот ерген во Холивуд, а иако оттогаш го поврзуваат со многу убавици, ниту една од неговите нови врски не е официјално потврдена. Но, се чини дека конечно се појави жена на која тој е подготвен да покаже нежност во јавноста.
Имено, Бред е виден како се држи за раце и се шета низ улиците на Њујорк со една од најпознатите манекенки на денешницата, убавата 31-годишна Емили Ратајковски. Да потсетиме, Емили е позната манекенка и претприемачка на Инстаграм, а се испроба и во актерството. Важи за една од најсексапилните жени на светот, а неодамна се дозна дека ја изневерувал нејзиниот партнер Себастијан Бер-МекКлард, а по таа вест раскинала со него.
Емили е мајка на едно дете,а Бред со Анџелина Џоли има три биолошки и уште три посвоени деца.
Очигледно на Бред и Емили не им пречи разликата во години од 27 години, бидејќи изгледаат многу заљубени. Можеби ги споиле лошите љубовни искуства од минатото. Инаку, многумина забележаа дека Емили изгледа како помлада верзија на Анџелина. Долга темна коса, полни усни, витко тело и многу бујни гради се атрибути кои ги имаат и Анџелина и Емили, па може да се каже дека Бред нашол нова, помлада верзија на бившата сопруга, која се уште во слободно време го влече по судовите..
Емили и Бред првпат беа видени пред неколку дена во Париз, а сега повторно се видени заедно во Њујорк. Очевидец ги „забележал“ во ресторан во срцето на Париз, а подоцна биле снимени како излегуваат од зграда во Њујорк каде наводно ја поминале ноќта заедно.
Ниту Емили ниту Бред се уште официјално не се изјасниле за нивната врска, но се очекува дека е само прашање на време кога ќе ја објават новата љубов.
