Бил Гејтс се отвори за својот брак со поранешната сопруга Мелинда Френч Гејтс бидејќи милијардерот рече дека имал „одличен брак“ со неа.
Во интервју за Сандеј Тајмс, основачот на Мајкрософт откри дека последните две години биле „прилично драматични“ со КОВИД и неговиот развод. Сепак, тој смета дека „најчудниот дел“ за него било заминувањето на неговите деца.
Тој изјави за медиумот: „Секој брак додека децата ја напуштаат куќата ќе помине низ транзиција. Мојата за жал помина низ оваа транзиција наречена развод“.
„Но, од моја гледна точка, тоа беше одличен брак,немаше да го сменам. Знаете, јас не би избрал да се оженам за некоја друга“, додаде тој.
Бил продолжи: „Ако зборувам дали повторно би се оженил за Мелинда тоа би било да. Во однос на мојата иднина, немам никакви планови, но топло препорачувам брак“.
Тој понатаму изјави дека се чувствува „среќен“ што сè уште работи со неговата поранешна сопруга, додавајќи: „Имаме годишен состанок на вработените во Фондацијата и Giving Pledge и годишниот состанок во јуни што таа и јас го организираме заедно. ”
Двојката се венчаше во 1994 година по 7 години врска и објавија дека се разведуваат по 27 години заедништво во 2021 година.
Тие имаат три деца заедно, две ќерки, Џенифер и Фиби и синот Рори.
