Познатиот пејач и претприемач е првиот изведувач чии десет песни достигнаа милијарда стримови на најсилниот дигитален музички сервис. Популарната Рири со постигнувањето се пофали на социјалните мрежи, со игра на зборови „Bad Gal billi“.Не треба да снимате нов албум за да ги соборите рекордите на Spotify, но тоа е точно само ако сте Ријана. Познатата пејачка и претприемачка објави, имено, дека таа е првиот уметник чии десет песни достигнале милијарда стримови на тој дигитален музички сервис. Рекордот е уште повпечатлив кога се знае дека популарната РиРи нема издадено нов албум од албумот „Anti“ од почетокот на 2016 година.Ријана со достигнувањето се пофали на социјалните мрежи, со потписот „Bad Gal billi“, што е игра со зборови, бидејќи нејзиниот профил на Инстаграм се вика „Bad Gal Riri“
Ријана освои многу награди и веќе собори неколку рекорди, потсетува Daily Mail.Пејачката од Барбадос е добитник на девет Греми, тринаесет Американски музички награди и дванаесет музички награди Billboard Music Awards.Во 2010 година, таа стана единствената изведувачка која има четири број еден синглови на американските топ листи во една календарска година, кои се „Rude Boy“, „Love the Way You Lie“ со Еминем, „What’s My Name?“ со Дрејк и „Only Girl (In The World)“. Таа исто така беше првата пејачка која има синглови број еден во ОК пет последователни години, од 2007 до 2011 година. Само Елвис Присли и Битлси имаат повеќе. Една година подоцна, таа стана најпродаваниот дигитален изведувач во САД, откако дотогаш продаде 47,57 милиони дигитални песни. Во 2013 година, Ријана постави рекорд за последователни недели на британската листа на синглови – 196 последователни недели во Топ 75 со 30 различни песни. Истата година, таа имаше најмногу број 1 дигитални синглови во САД, тринаесет од нив, а нејзиниот последен рекорд беше забележан како личност со најмногу лајкови на Фејсбук во 2013 година, симнувајќи го Еминем од тронот.
