Инспириран од сентименталното враќање дома за празниците, Версаче претставува фантастично патување во својата празнична кампања во 2020 година.
Патувањата на кои сме навикнале можеби се привремено во мирување, но тоа нема да ги спречи членовите на светот Версаче да скокнат во гламурозен кабриолет и да тргнат на пат.
Враќањето дома за прославите е една од најголемите радости во овој период од годината. Оваа кампања означува очекување на повторна средба со семејството, пријателите и најблиските – презентирање на живописни пејзажи кои истакнуваат многу различни патувања. Од зимски планински врвови до тропски позадини, модниот филм и придружните фотографии ја истакнуваат единственоста на нашите начини на славење. Патувањето до дома, кое може да биде и духовно и не физичко, се чувствува уште позначајно во овој временски период. Во срцето на кампањата е почитта кон љубовта и поврзаноста, со оптимизам дека заедно можеме да создадеме подобар свет.
Во рекламната кампања се појавуваат Ирина Шајк, Адут Акеч, Бјаџо Али Волш и Луис Бејнс, како и избор на познати личности од Версаче подготвени да ја прослават оваа празнична сезона и да започнат фантастично патување до дома.
