Заеднички проект на легендарната модна куќа и козметичкиот гигант L’Oreal.
Гласините кои кружеа последните неколку години конечно се потврдија – Valentino лансира козметичка линија. Италијанската модна куќа ги здружи силите со францускиот гигант за козметика L’Oreal и се подготвува да лансира сопствена линија за козметика. Засега, објавата на социјалната мрежа Инстаграм е многу лаконска и содржи само лого на новата линија, како и неколку објави и видеа на општата тема „Речник за убавина“.
Создадена е и посебна сметка на Instagram @valentino.beauty, чија содржина е сè уште идентична со објавите на главната сметка на брендот.
Претходно, Valentino, заедно со L’Oreal, веќе произведуваа парфеми – машки и женски мириси на марката секогаш станаа најпродавани. Сега, во рамките на соработката ќе се појави полноправна линија на козметика. Сè уште не е познато ништо за производите, но претходно се шушкаше дека ќе бидат вклучени производи за шминка и нови мириси, од кои едниот би бил во соработка со Лејди Гага.
Можеби претставниците на модната куќа решија да го следат примерот на нивните колеги од Gucci, кои претходно успешно лансираа линија на декоративна козметика.
