Серијата „Emily in Paris“ повторно предизвика интерес за стилот на Французинките, а еден од важните елементи на стилот е фризурата што ја носиме.
Фризурите многу добро можат да ја изразат нашата личност, и ако се водиме според таа логика – тогаш нивниот стил е лежерен и растоварен, исто како и нивната коса.
Дека во ова има многу вистина, покажуваат и две дами кои магазинот Vogue ги нарече „It“ парижанки.
Една од нив е манекенката Луиз Фолејн. Оваа убавица многумина ја споредуваат со Џејн Биркин, познатата актерка, модел, пејач и муза на легендарниот Серж Гајнсбург.
Сличноста е очигледна кога ги гледаме нивните фризури. Правите и неуредните шишки беа еден вид заштитен знак на Џејн Биркин, и исто како и многу други Французинки, Луиз обожава ваков вид шишки што ги носи со години.
Кога сама ќе ги пресечам, тие не се секогаш добри, забележува Луиз за која тајната на добриите шишки очигледно е во добра фризерка со мирна рака.
Уште една „It“ парижанка е трендсетерката Сабина Сокол. Инспирацијата за шишките ја пронашла во легендарната француска актерка Брижит Бардо.
Не ми се допаѓаат супер исправените шишки што ги носат девојчињата од основно, додава Сабина и истакнува дека претпочита ваков вид на шишки што го врамуваат лицето и оставаат малку романтичен впечаток.
