Креативното дуо, Миучија Прада и Раф Симонс ја претставија својата прва колекција направена за модната куќа Прада.
Кампањата е обоена со низа прашања во врска со човештвото, современите технологии и важни теми како што се човечки вредности, почитување на различноста и вклученост. Хуманизмот е клучен момент на модната кампања која има за цел да го „разниша“ современиот човек и да го потсети на она што е важно и исконско во животот.
Оваа колекција содржи модели на тафта и мохер, посебно внимание привлекуваат палта без ракави, како и ролерки со ажурни мотиви и дупки во ткаенината. Тафетата се чини дека е доминантен материјал во колекцијата, а топовите со панталони прават уникатни комплети.
Што се однесува до чевлите, колекцијата пролет-лето 2021 година потенцира зашилени чевли со потпетици со препознатлив дизајн на Прада од 90-тите години на минатиот век.
