На крајот на 2021 година, швајцарскиот бренд за накит и часовници Piaget го најави долгоочекуваниот новитет – часовник со главниот симбол на 2022 година во рамките на колекцијата Altiplano.
Моделот излезе во продажба во ограничено издание од 38 парчиња. Часовникот има бројчаник од 38 mm и е изработен од 18-каратно бело злато со 78 брилијантно исечени дијаманти. Часовникот со тема на тигар е опремен со ултра фин механизам со рачно намотување 430P кој ги одразува високите вештини на занаетчиот од Piaget.
Главната декорација на новиот часовник е бројчаник, на кој се покажува емајлиран тигар. Комплексниот материјал го обработи легендарната Анита Проше, која со Piaget соработува од 2006 година и работи исклучиво со емајл. Таа користела техника стара повеќе од 4.000 години: шарата ја пренела на површината на бројчаникот користејќи златни ленти за да направи минијатурни прегради, а потоа ги пополнувала празнините со разни пигменти. Бројчаниците потоа се испраќаа во рерната неколку пати и беа лакирани.
Секој кој бара екстравагантен луксузен подарок за себе или за некој близок за Нова Година, дефинитивно треба да обрне внимание на новиот модел на Piaget кој ќе донесе среќа во „Година на тигарот“ која е пред нас.
