Мирисите отсекогаш предизвикувале чувство – „застани и помирисај ги розите“ или „разбуди се и помирисај го кафето“ се фрази кои го докажуваат тоа. Сега Пако Рабан, познат по својот сензибилитет за мода и мириси, го подигнува сетилото за мирис на повисоко ниво (навестување: една од неговите главни состојки е технологијата).
Футуристички, енергичен и неверојатно секси – новиот машки мирис на Пако Рабан ја замаглува границата помеѓу фантазијата и реалноста.
Познат по својата смелост и ненадмината изработка, Пако Рабан ве поканува да зачекорите во иднината и да го почувствувате неговиот здив на вашата кожа. Овој пат, парфимерите на брендот дадоа се од себе и нè одведоа во Universe 2.0, каде што се одржува интергалактичка забава, отворена за сите – без разлика од која планета доаѓате.
Футуристичкото искуство е главниот белег на мирисот, за кој е одговорно трио енергичен лимон, кремаста лаванда и прекрасна ванила.
PHANTOM е првиот мирис создаден во дует на креативност и вештачка интелигенција. Шишето е најреволуционерниот безжичен дизајн во индустријата досега. Во неговиот врв е вграден специјален чип за бесконтактна комуникација. Мирисот оживува „дигитално“ со апликација за координација која се поврзува со фантомскиот универзум на шишето само со допир на телефонот.
„Во PHANTOM, секој аспект од создавањето парфеми е редизајниран со следната генерација на технологија развиена за IFF. Благодарение на невронауката, алгоритамските алатки и вештачката интелигенција, нашите парфимери успеаја да ги прошират своите креативни граници“.
Покрај тоа што е показател за неодамнешната фасцинација со вселената и длабокото нурнување на модата во технологијата, Phantom може да се пофали и со одржливо шише кое лесно се рециклира.
