Кориците на септемвриското издание на американскиот Vogue се одбележани со дела на реномираните уметници Кери Џејмс Маршал и Џордан Кастел.
Во 2020 година, година во која сè е малку атипично, дури и славниот Vogue се одлучи за невообичаени решенија. Тие им ги поклонија кориците на нивното септемвриско, ударно издание на делата на воспоставените американски уметници, Кери Џејмс Маршал и Џордан Кастел.
Дуото ја искористи насловната страница на Vogue како платно за сликање, а интересно е што ова не е првпат насловните страни на најпопуларното светско модно списание да им бидат оставени на сликарите.
Салвадор Дали, Џорџо де Чирико, Мари Лоренсин и Џон Курин се уметници чии дела веќе ги имаме видено на ова место.
Но, кориците на годинашното септемвриско издание се специфични по тоа што на Кери Џејмс и Џордан им е дадена апсолутна слобода да одлучат кој ќе биде на нивните дела.
Џордан Кастел избра вистинска личност, модната дизајнерка Аурора Џејмс, додека Кери Џејмс се одлучи за измислена жена облечена во бел вечерен фустан.
