Чанта Louis Vuitton Paint Can Bag: луксузната чанта на модната куќа чини 2.340 евра и изгледа како лименка за боја.
Се чини дека треската од лансирање на необични производи и луксузни модни додатоци засекогаш влезе во срцата на модните куќи. Не помина ниту еден месец откако модната куќа Balenciaga лансираше чанта од 1.800 долари која личи на торба со чипс, Луј Витон доаѓа да украде дел од екстравагантната слава лансирајќи чанта што изгледа како кофа со боја.
Нејзиното име точно ја опишува.Чантата Louis Vuitton Paint Can е всушност кофа со боја која е претворена во чанта. Дизајнирана е од починатиот уметнички директор на куќата, Вирџил Аблох, а првпат е видена на саемот на Louis Vuitton есен/зима 2022. Чантата е направена од говедска кожа, обложена со платно што е комбинирано со поставата од микрофибер, а потоа украсена со сребрени детали .
Чантата Paint Can е достапна во шест карактеристични бои – виолетова, портокалова, црвена, зелена, жолта и сина. Чантата нуди многу детали што го привлекуваат вниманието, како што се „EXTERIOR PAINT“ на кутијата, натписот „Handle With Care“, предупредување за запалив материјал и монограмот LV додаден насекаде.
Како што често се случува со делото на Вирџил Абло, чантата во форма на кофа наиде на пофалби, но и жестоки критики, главно поради цената од 2.340 евра.
Од друга страна, обожавателите на Вирџил Аблох тврдат дека способноста да се претвори вообичаен предмет како кофа како моден додаток е прилично достигнување.
Во секој случај, заклучоците за чантата сами можете да ги извлечете така што подобро ќе ја погледнете на веб-страницата на брендот Louis Vuitton.Алтернативно, можете да ја посетите најблиската продавница за бои, да изберете кофа за боја што ја сакате и да креирате своја сопствена верзија.
