Новата колекција вклучува соработка со Moon Boot…
Подготвувајќи се за ледената зимска сезона, Fendi штотуку ја лансираше својата нова колекција за скијање. Линијата содржи сè – од чевли до разноврсна галантерија, каде секое парче ќе ви даде удобност, топлина и можност да изгледате шик.
Доаѓајќи како дел од новата линија Fendi Tech, новите производи нудат високи перформанси, притоа насочувајќи се на одржливоста, со мало влијание врз природната средина. Познатото лого на италијанската модна куќа и дизајнот „Quilted Stripe“ доминираат во овој опсег, како референца за модната ревија на брендот за сезоната есен/зима 2020 година, која дебитираше порано оваа година.
Ски панталоните и комбинезоните за аикидо се опремени со термички и водоотпорен текстил кој содржи ликра, нудејќи ви заштита и топлина. Еколошкиот аспект на колекцијата е нагласен со помош на пердув јакна FF, изработена од Econyl. Покрај тоа, блокирањето на бои паѓа во центарот на нашето внимание со иконични црни и жолти комбинации. Исто така, дел од оваа колекција е и соработката со Moon Boot, која доби брендирање FF.
Сите парчиња од колекцијата можете да ги видите во нашата галерија, и да знаете дека сите се веќе достапни за купување, со цени од 350 до 3.590 долари.
