Chloé x Moon Boot претстави ексклузивна соработка за есен/зима 2021 година која ги исполнува сите наши желби за зимски чизми.
Зимата дефинитивно пристигна… а имате ли чевли за постудено време? Chloe штотуку ја објави својата прва соработка со брендот Moon Boot под креативна насока на Gabriele Hearst за есен/зима 2021 година. За колекцијата Chloe x Moon Boot, најпознатиот бренд за чевли во зимската сезона се здружува со француската дизајнерска куќа за да ни донесе нови модели кои ги спојуваат чизмите со потпис со клучните елементи на брендот Chloe.
Колекцијата Chloé x Moon Boot ни носи модерни и кул чизми со дизајн изработени од телешка кожа и плетен материјал, притоа обезбедувајќи топлина и удобност. Овие зимски чизми се вистинскиот одговор за постудените денови кои пристигнаа.
Колекцијата со ограничена едиција содржи две богати неутрални нијанси: Luminous Ocher i Tannish Brown.
Одржливоста е централна тема на оваа колекција. Верна на нејзината постојана посветеност на поодржливи практики во модната индустрија, дизајнерката на брендот Chloe реши да ги создаде овие чизми користејќи рециклирани врвки, кожа со слабо влијание и биоразградливи материјали.
Колекцијата Chloe x Moon Boot е одржлива обувка која ќе ви ги стопли срцето и стапалата во текот на зимската сезона.
