Фантазијата вртоглаво ќе се зголеми оваа година, благодарение на соработката на познатиот бренд BOSS и уметникот и илустраторот од Њујорк, кој даде личен печат на колекцијата на ограничени парчиња облека и додатоци.
Астин Теодоро одлучи дека врв на неговата капсул колекција за брендот BOSS ќе биде сината sвезда и црвеното срце, два мотива што ги симболизираат љубовта и соништата. Бидејќи колекцијата е наменета и за мажи и за жени, ѕвездата е прикажана како машки аспект, додека срцето е женски аспект на колекцијата.
Теодоро направи свое лого на брендот BOSS, кое заедно со ѕвездите и срцата станаа образец што се најде на неодоливите додатоци, како што се шалови, навлаки за мобилни телефони и чанти. бело
Игривиот дух што уметникот го пренесува со своето дело е совршен начин да се испрати пораката дека и покрај моменталната состојба, треба да се верува во подобро утре. Колекцијата создадена од соработка на познат бренд и уметник, е совршен пример дека нема ништо поубаво од позитивната енергија и оптимизмот.
Тимот на Harper’s BAZAAR предлага омилени парчиња од новата празнична колекција за него и неа:
- Миди фустан во зебра принт, тој е неочекуван и навистина шик!
- Машките додатоци со впечатлив принт бараат внимание.
- Плетиво во снежно-бел тон со црн вез во облик на срце како ИТ парче!
- За неодолива лежерност, шарата во форма на срце ќе остави магичен ефект.
