Никогаш порано немало повеќе верување во моќта на модните соработки.
Од големите модни куќи кои се здружуваат и презентираат колекции, до навидум естетски спротивни брендови кои објавуваат капсулни колекции, повеќе дизајнери од кога било ги гледаат придобивките од тимската работа.
А, во последната од овие неочекувани соработки, еден од најгламурозните брендови за обувки во светот, Manolo Blahnik, ги здружува силите со еден од „најудобните“ во светот, брендот Birkenstock.
Двата легендарни брендови се здружија за да создадат уникатна колекција на влечки, која ги комбинира изработката со функцијата, гламурот и практичноста. Бланик го стави својот потпис на некои од стиловите на брендот Birkenstock, додавајќи кадифени и кристални влечки од Аризона и бостонски сабо.
Иако овие брендови изгледаат како два посебни света, тие го прават совршениот пар на многу начини.
„Квалитетот и безвременоста се нешто што е присутно и кај двата бренда“, рече Бланик. „Нашата естетика може да изгледа поинаку, но во основа ги имаме истите вредности – одличната спојност, изработка и удобност се најважни во нашиот дизајн и производство на чевли.
Кога станува збор за дизајнот на колекцијата, Бланик изјави дека сака да создаде сестрани обувки кои ќе им одговараат на фановите на Биркенсток, но и на сопругата на Маноло.
„Сакав да направам нешто што може да се носи лежерно, но и нешто што мислам дека би изгледало фантастично со балска тоалета, еден вид „дотерана“ верзија на Birkenstock. Секој пар е направен во фабрика на брендот Birkenstock, која има некои од најдобрите занаетчии.
Новите влечки се всушност инспирирани од легендарните салонки во кралско сини бои на Маноло Бланик, кои Крис Норт (познат како Ѕверка) и ги предложи на Кери Брешо. Хмм… секако тие се сон на секоја трендсетерка.
Во новата колекција ќе најдеме плишани влечки во сина боја со кристални копчиња од скапоцените камења Хангиси, плишани модели во обичка и класична црна кожа.
Колекцијата Birksenstock X Manolo Blahnik ќе биде претставена на 24 март 2022 година на Manoloblahnik.com.
