Сите барем еднаш во животот ја слушнавме изреката од нашите родители: „Не сме доволно богати за да купуваме ефтино“. Сепак, според некои податоци, општеството денес купува 400 проценти повеќе облека отколку што купуваше пред 20 години!
Еве пет вредни причини зошто треба да ги послушаме советите на родителите и да престанеме да купуваме ефтини, неквалитетни, трендовски парчиња што завршуваат фрлени веќе следната сезона:
- Најмалку 80 проценти од работниците во модната индустрија се жени на возраст од 18 до 35 години кои ретко имаат право на породилно отсуство.
- Работниците во модната индустрија честопати се принудени да работат од 14 до 16 часа седум дена во неделата со мали паузи за да ги задоволат основните човечки потреби.
- Платите во модната индустрија во повеќето земји (на пр. Камбоџа, Виетнам, Индонезија или Мексико) не се доволни за пристоен живот.
- Условите за работа во фабриките се претежно лоши и небезбедни.
- Работниците кои сакаат да се борат за своите работнички права со влез во синдикати се подложени на вербално и физичко малтретирање за да ги спречат во тоа.
Со купување од локални или етички брендови или во продавници за половна употреба, ние испраќаме порака до модната индустрија дека не сакаме да живееме во свет што ги експлоатира вработените и штети на животната средина поради модата.
Секој од нас може да придонесе за подобар свет. Само запрашајте се следниот пат кога ќе купите. „Дали навистина ми треба тоа?
