Џенифер Лопез во новата божиќна рекламна кампања на Coach

Американскиот бренд Coach претстави божиќна рекламна кампања.

Новата кампања „Holiday Is Where You Find It“, се фокусира на чантата Beat Shoulder, инспирирана од ритамот на деловниот центар во Њујорк, како и новиот ранец Hitch.

Главната хероина на кампањата е глобалната амбасадорка на брендот, Џенифер Лопез. На сликите и во рекламата, Лопез позира со нејзината мајка Гваделупе Родригез и децата близнаци Ема и Мајк.

Рекламната кампања, создадена за време на уникатните настани во 2020 година, ја нагласува вербата на брендот Coach во позитивни работи, потрагата по радост во малите нешта, желбата за удобност и семејните традиции.

„Holiday Is Where You Find It“ е претставен како серијал слики во кои главните ликови ги слават старите и новите традиции. Тој ја нагласува идејата дека одморот е состојба на умот, без оглед како ќе го поминете оваа година. Џенифер Лопез не е единствената славна личност што ја претстави новата колекција на брендот. Во снимањето учествуваа и други семејни амбасадори на брендот Coach, вклучувајќи ги Мајкл Б. Џордан и неговото семејство, како и Кико Мизухара, Џереми Лин, Камил Мароне и други.

Coach исто така претстави краток филм на винтиџ тема, кој покажува како Џенифер Лопез планира да го помине претстојниот одмор дома со своето семејство.