Италијанската модна куќа Brioni минатата година објави дека Џуд Ло и неговиот син Раф се новите амбасадори на брендот.
Тие дебитираа во кампањата пролет/лето 2022 на Brioni,фотографирана од Крег МекДин, а познатиот бренд сега ја претставува својата рекламна кампања пролет/лето 2023 година со учество на своите амбасадори.
Новата кампања вклучува дуо татко и син кои уживаат во времето заедно. Емоционалната и интелектуалната поврзаност на мажите се демонстрира во серија интимни и лежерни слики снимени во Лос Анџелес.
Тие снимаат драгоцени моменти на семејна блискост и уживање во едноставните моменти од животот.
Во снимањето и двајцата актери се облечени во парчиња од колекцијата Brioni пролет/лето 2023, вклучувајќи костуми во розова и светло сина боја, како и лесни и удобни чевли.
“Одлично е да ја продолжиме нашата врска со брендот Brioni.Ми се допадна колекцијата и парчињата што ги пробавме. Беше особено убаво да се споделат овие моменти со Рафа”, вели Џуд Ло.
Оваа кампања ја одбележа третата соработка на Џуд и Раф Ло со модната куќа Brioni. Италијанската модна куќа забележува дека ова е трилогија за човечката поврзаност и вештина, нагласувајќи ја потрагата по совршенство, но и моќта на вистинските емоции.
