Манекенката Џиџи Хадид редовно привлекува внимание со своите лежерни стајлинзи на улиците во Њујорк, што беше случај и овој пат. Постарата сестра на Бела Хадид ја пронајде ултимативната street style комбинација во која главни ѕвезди се тренди мокасини, но и безвременски модел на фармерки…
Американската ‘it’ девојка, 27-годишната манекенка Џиџи Хадид не ги пропушти дежурните папараци во уште едно издание вредно за копирање, со кое во исто време докажа колку лесно ги носи некои од најпосакуваните парчиња на модната сцена.
Деновиве славната русокоса не престанува да воодушевува со своите педантно обмислени стајлинзи низ улиците на Њујорк, а со последниот од серијата успешно ги спои некои од најпосакуваните парчиња сезонава.
Изданието со тренди знак се вртеше околу фармерките со шлиц и широки ногавици, кои пристигнуваат со потписот на брендот RE/DONE. Со нив искомбинирала предимензионирана кошула во бебешка сина нијанса која ја откопчала на дното за да ги открие нејзините извајани стомачни.
Своето познавање на модните трендови го покажа и со избирање обувки – затоа, ова издание го комплетираше со модел на тренди бели мокасини со потпис на брендот M.GEMI.
Непогрешливата street style комбинација ја зачини со мини чанта со потпис на луксузниот бренд Loro Piana, која на овој стајлинг му даде белег на гламур, а која згодната манекенка ја носи во последно време.
Со разигран шарен накит и минијатурни очила за сонце, американската убавица на овој стајлинг додаде шмек на ретро вибрација и потврди дека со леснотија комбинира различни стилови.
