Манекенката Џиџи Хадид, како и нејзината помлада сестра Бела, е познат љубител на трендовите кои доминираа на модната сцена на почетокот на милениумот. Еден од нив е враќањето на бермудите, со посебен акцент на тексас верзиите, а американската ‘it’ девојка пронајде комбинација која може да стане летна модна униформа на многу модничарки.
Познатата американска манекенка, 27-годишната Џиџи Хадид редовно импресионира со одлични комбинации надвор од модната писта, а овој пат на улиците на Њујорк покажа како некои (заборавени!) парчиња облека во комбинација со актуелни тренди парчиња навистина можат да создадат одлични стајлинг.
Дежурните папараци ја уловија додека се шеташе во Њујорк, а за таа прилика успешната манекенка облече класични светли бермуди од брендот Algoda кои ги комбинираше со бела маичка со шлиц. Со овој потег таа потврди дека не е имуна на актуелните трендови, но и дека вешто комбинира ретро и модерни парчиња.
Покрај горниот дел со шлиц, познавањето на трендовите го покажа и со изборот на чанта – овој пат тоа беше крем бохо чанта за рамо што го носи потписот на популарниот американски бренд Khaite.
Тренди изданието го заокружила со препознатлив пар чевли. Станува збор, секако, за слип-оновите од Аризона од култниот германски бренд Birkenstock, кои со години се на листата на најпосакувани летни обувки. Но, Џиџи не носеше ниту една верзија, туку носеше модел кој е резултат на втората модна соработка на Birkenstock со познатата италијанска модна куќа Valentino.
