Есенската колекција на американскиот бренд Coach е во тренд, а во новата кампања Џенифер Лопез, која се истакнува во улогата на модел, ни го украде целото внимание. Џенифер е заштитно лице на Coach скоро една година, и веќе има снимено голем број материјали за брендот.
Колекцијата е инспирирана од делата на познатиот сликар Жан-Мишел Баскијат, а покрај Џеј Ло, во кампањата се појавуваат и моделот Палома Елсесер, актерот Мајкл Б. Џордан, артистката Дијана Гордон и внуката на Баскијат, Џесика Кели. Целата колекција беше претставена во февруари како дел од Модната недела, а креативниот директор Стјуарт Веверс додаде дека Баскијат е еден од неговите лични херои затоа што тој го отелотворува креативниот и инклузивен дух на градот Њујорк. Тој особено му се заблагодари на семејството на уметникот за поддршката и помошта во создавањето на колекцијата и кампањата.
