Војвотката имаше возбудлива недела, исполнета со многу стилски моменти.
Само два дена по појавувањето на кралското семејство на премиерата на филмот за агентот 007 „No time to die“ и фасцинацијата од стајлингот на војвотката, достојна за Бонд девојка, Кејт уште еднаш успеала да ни го украде целото внимание со смел и одважен аутфит.
По повод турнејата низ кампусот на Универзитетот Улстер во градот Дери, северниот дел на Ирска, Кејт облекла шик, светло виолетов костум. Со овој аутфит докажала дека правилото за есенските парчиња исклучиво во темни, земјени тонови – не важи.
Слим-фит панталоните и блејзерот со истакнати ревери се креации на Емили Викстед – еден од омилените и најносените брендови на Војвотката.
Со живописна виолетова нијанса, Кејт докажа дека летните бои можат лесно да се прилагодат на есенската сезона, особено ако се комбинираат со црн ролка, црн појас и темно сини потпетици.
