Сакајќи да ја нагласи важноста на движењето „Црните животи значат“ и да ги охрабри луѓето да излезат на гласачките места, Вог за своето лице ја избра насловната страница на Лизо, која инаку пее за прифаќање на сите разлики.
Пејачката Лизо, целосно име Мелиса Вивијан Џеферсон, е на насловната страница на американскиот Вог за октомври. Како што се приближуваат новите претседателски избори, а движењето „Црни животи значат“ е во полн ек во Америка, на пејачката и беше дадена можност оваа тема да ја приближи уште повеќе до светот и да ги охрабри луѓето да излезат на гласачките места.
Горда на овој успех, таа прокоментира:
- Јас сум првата голема црна жена на насловната страница на американското издание на списанието Вог.
Иако политичкиот контекст на оваа корица ја надминува модата, вреди да се спомене дека во овој број таа носеше креации на Валентин и Москин, заедно со гламурозен накит од брендовите Chopard и Tiffany & Co.
Лизо стана sвезда минатата година откако нејзината песна „Вистината боли“ се појави во филмот на Нетфликс „Некој одличен“.
Нејзиниот албум „Cuz I Love You“ беше номиниран за повеќе Греми и ја освои категоријата за најдобар урбан современ албум.
- Сакам да создадам музика што им помага на луѓето. Јас не сум адвокат, не сум лекар, не работам во владата. Јас правам музика – истакна Лизо, пишува Си-Ен-Ен.
На насловната страница, Лизо е раскошно стилизирана и носи вечерни фустани во светли тонови.
