Вчера, една од ретките церемонии на доделување на наградите оваа година се одржа на многу поинаков начин од порано. Наместо толпата создадена од фотографи, која се обидуваше да ги фати многуте sвезди на црвениот тепих, шумот на салата полна со луѓе и задоволството на публиката по музичките настапи, синоќешните People’s Choice Awards се одржаа со многу помирен тон.
Победниците се појавија да ја земат наградата во салата, а другите гости и гледачи се придружија од своите домови преку видео повик. Ѕвезда на вечерта беше Џенифер Лопез која ја однесе дома својата награда за Икона на годината во обемниот црвен мини фустан на Кристијан Сиријано.
Свечените тоалети не беа на повидок, иако неколку гости се одлучија за коктел фустан со светки или свила, како што се пејачката Деми Ловато и актерките Тифани Хадиш и Софија Вергара, која ја пикна маската во деколтето на сцената.
Но, судејќи според изгледот што можевме да го видиме на црвениот тепих, 2020 година го стори своето и славните исто така се навикнаа на удобноста на athleisure што ја носиме цела година, така што најчестата комбинација на вечерта беше – преголем костум. Го носеа и Деми Ловато, Џамела Џамил, па дури и победниците Елен Помпео (проѕирна верзија со светки), Елен Деџенерис (нејзината доста честа комбинација) и модната икона Трејси Елис Рос.
А, како ќе бидат доделени наградите во следните неколку месеци и дали ѕвездите едвај чекаат да скокнат во вечерни фустани и смокинг, едвај чекаме да видиме.
