Холивудската дива Шерон Стоун изненади многумина кога се појави во патики на црвениот тепих.
Холивудската актерка Шерон Стоун ги одбила вртоглавите потпетици и решила да се појави во полутранспарентни бели патики на гала вечерата на непрофитната организација CORE (Community Organized Relief Effort) во Лос Анџелес.
Шерон самоуверено се прошета на црвениот тепих во патики Портофино на италијанското дизајнерско дуо Dolce & Gabbana, кои ги комбинираше со бела кожна чанта од истата модна куќа.
Полупроѕирните патики ги спои со розев сатенски костум во бебешка боја кој ја истакна нејзината фит фигура, а под кој се гледаше едноставна бела маичка. Изданието го заокружила со неколку пристојни парчиња накит.
Шерон Стоун е позната како голема хуманитарка и учествува во бројни добротворни проекти и организации.
Таа се појави на оваа гала вечера за да ја поддржи непрофитната организација CORE, која обезбедува итна помош за заедниците погодени од војна и природни катастрофи, а која беше започната во 2010 година од Шон Пен.
