Дива која не се плаши да експериментира без разлика на возраста.
Шарлиз Терон, холивудската дива и модна икона, важи за бестрашна и смела жена, а нејзината фризура и моден израз отсекогаш го следеле нејзиниот карактер. Со години сите се восхитуваат на нејзиниот талент и неизбледената убавина.
47-годишната Шарлиз се појави на црвениот тепих во Рим изгледајќи како античка божица. На себе имала црн долг проѕирен фустан под кој се гледал градник од истиот материјал.
Фустанот имаше длабок шлиц напред, а нејзините витки нозе дојдоа до израз.
Таа носеше едноставни црни чевли со високи потпетици, а стајлингот го заокружи со необични аксесоари – долг синџир, прстени и француска капа.
Со оглед на тоа што премиерата на која присуствуваше се одржа во близина на Колосеумот, Шарлиз собра многу љубопитни минувачи кои се восхитуваа на нејзината убавина.
