Куќата Dior го претстави својот прв парфем без алкохол и на база на вода, J’Adore Parfum D’Eau, кој е од линијата на нивниот најпознат парфем J’Adore.
Во кампањата се појавува амбасадорката на J’Adore, Шарлиз Терон, која официјално ќе ја видиме во најновиот сет на реклами од септември. Оваа најнова најава од парискиот бренд ја менува играта, бидејќи брендот ја произведе својата генијална формула преку патентиран процес на нано-емулзија кој вклучува интеграција на висока концентрација на цветни масла и вода под висок притисок.
Пред формулацијата на парфемот, не беше можно да се произведе ефективен мирис без алкохол.Dior, добро познато име во индустријата за мода и убавина, е познат по своите иновации и продолжува да нуди луксузни производи.
На првата фотографија од рекламната кампања која го најавува новиот парфем, актерката Шарлиз Терон позира гола со златен ѓердан околу вратот, додека го гушка шишенцето парфем J’Adore кое го покрива нејзиното тело.
J’Adore Parfum D’Eau, најновата понуда од брендот, е долготраен парфем кој е создаден од брилијантна мешавина на цвеќиња, вклучувајќи цвет од портокал, самбак јасмин, роза од Дамаск и магнолија. Сите состојки се органски набавени преку програмата за одржливост „Убавината како наследство“ на Dior. Освежителниот мирис прави да се чувствувате како да лебдите низ поле со цветови од портокал.
J’Adore Parfum D’Eau се продава за 118 долари и е достапен на веб-страницата на Dior.
