Американскиот супермодел Хејли Бибер повторно ги воодушеви модните експерти со своите стајлинзи! За излегувањето во елитниот њујоршки клуб „Dumbo House“, познатата убавица ја покажа својата извајана фигура во шик (и тренди!) издание и потврди дека е кралица на заводливите стајлинзи…
Сопругата на поп-ѕвездата Џастин Бибер, 25-годишната Хејли Бибер, повторно одржа модна лекција за елеганција со примеси на сексапил на улиците на Велика Јабука.
Згодниот ангел на Victoria secret неодамна беше видена во Њујорк, каде што се упати на вечера во елитен ресторан и клуб. Таа за таа прилика облече тесен фустан во беж нијанса, кој се истакнува со интересни ракави и длабоко деколте.
Фустанот кој зрачи со сексапил и елеганција го потпишува брендот 16 Arlington, а Хејли Бибер го искомбинирала со тренди влечки на потпетици.
Познатата американска убавица се одлучи за модел со потпис на италијанскиот бренд Gia Borghini.„Look“ кој ги комбинира сексапилот и елеганцијата е надополнет со пристојни модни додатоци – овални очила за сонце со потписот на познатата куќа Balenciaga и кружни златни обетки со потпис на њујоршкиот бренд AGMES.
