Софија Вергара секогаш носи парчиња облека кои ги истакнуваат нејзините женствени предности – без разлика дали избира фустан за црвениот тепих или лежерна секојдневна комбинација.
Колумбиската убавица го привлече вниманието во црвен вечерен фустан на европскиот бренд O’Blanc, зад кој стои поранешната балерина Олга Блан.
Горниот дел од фустанот е изработен како корсет, па особено им прилега на дамите со тело во облик на песочен часовник. Долниот дел од фустанот ја следи линијата на телото со раб под коленото, а украсен е со пердуви.
Овој модел на фустан се продава по цена од 825 евра, а достапен е во широк асортиман на големини – од XXS до XXXXL.
Софија Вергара сака да ги зачинува своите комбинации со пар чевли со вртоглава потпетица. Таа го направи тоа и овој пат и избра сребрени сандали со отворени прсти со едно прерамче.
