Софија Вергара својата актерска кариера привремено ја стави во мирување поради нејзиниот ангажман во шоуто „America’s Got Talen“. Познатата 48-годишна Колумбијка се приклучи на шоуто во 15-тата сезона како нов член на жирито, а моментално ја снима 16-тата сезона.
Секоја посета на снимањето ја претворила во мала модна ревија за фоторепортерите кои ја пречекуваат секојдневно пред студиото.
Од фустани до комбинации со фармерки и блузи – досега покажа голем број изданија во кои доаѓа на работа. Овој пат таа избра романтичен зелен фустан со лелеав раскошен цветен дезен.
Фустаните украсени со цветен дезен со години ја носат титулата најпопуларен пролетен (и летен) модел. Во овој период од годината, се враќаме на разновидноста и дезените, а врз основа на комбинациите на уличен стил, имаме впечаток дека цвеќињата доминираат кога станува збор за фустаните.
Погледнете ја галеријата и видете кои други комбинации ги носела Софија на снимањето.
