Небесно сина и розова во совршена хармонија.
Со почетокот на пролетната сезона, Ријана изразила желба да ја прослави со модерен стајлинг каде комбинирала две врвни пастелни бои на имагинативен начин: сина и розова.
Познатата пејачка е забележана на едно вечерно излегување – во посета на својот омилен ресторан во Лос Анџелес. За излегувањето, таа одбрала панталони и женски топ во небесно сина боја од брендот Maisie Wilen, кои ги искомбинирала со прекрасно карирано винтиџ палто на Chanel во розова и сина нијанса. Стајлингот го надополни со кожени чевли на Amina Muaddi, кожна чанта на Alaia и винтиџ ѓердан со сини бисери од колекцијата Dior од 1990 година.
Во стајлингот на Ријана, пастелните бои внесуваат пролетни вибрации во изгледот, додека изборот на облека совршено одговара на удобниот стил. Лежерниот стајлинг изгледаше многу шик благодарение на винитџ облеката.
Доколку сакате да изгледате како Ријана, не плашете се да ги комбинирате омилените лежерни комплети со лесни пролетни палта и високи потпетици.
