Ревијата на Marc Jacobs се одржа во Јавната библиотека во Њујорк, а самиот дизајнер во описот на новата колекција откри дека е инспириран од неизвесното време во кое живееме.
Џиџи и Бела Хадид повторно изненадија со својот камелеонски стил! Сестрите супермодели овојпат носеа ревија на Marc Jacobs за есента 2022 година, а покрај футуристичките аутфити на дизајнерот,сестрите Хадид “исфураа” и многу ексцентрични фризури.
Девојките, познати по бујните промени од кафена и руса коса, се појавија како бринети, но со избричени глави и пренагласени кратки шишки. Џиџи и Бела уште еднаш покажаа дека се вистински модни камелеони, кои за еден ден можат да скокнат од класична „шминкана“ облека и стил во панк-шик со доза на пост-апокалиптичен гламур – каква што е новата колекција на Jacobs.
Иако девојките ги шокираа присутните со нивното појавување на пистата, бидејќи нивните фризури беа толку убедливи што многумина се прашуваа што ќе прават сега сестрите со полубричените глави, подоцна открија за што се работи. Овој напнат изглед го постигнаа фризерите со помош на протетика, откри самата Бела во објава на Инстаграм. Џиџи објави серија фотографии од шоуто, со нејзината „нова“ фризура со коментар: „Се за Марк“.
Ова шоу на познатиот дизајнер, кое се емитуваше во живо на Тајмс Сквер, го посетија многу познати личности, меѓу кои и уредничката на Vogue, Ана Винтур и манекенката Емили Ратајковски.
Ревијата се одржа во Јавната библиотека во Њујорк, а самиот дизајнер во описот на новата колекција откри дека е инспириран од несигурните времиња во кои живееме, нестабилните ресурси, непредвидливите пречки како и новите стандарди во реалноста. За дизајнерот, креативноста е основна работа во животот.
Продолжувајќи со последните две колекции,Jacobs ги турна дистописките форми уште подалеку, комбинирајќи ги силуетите на спортската облека со сензибилитетот на високата мода со помош на интригантни материјали што ги користел во колекцијата – ПВЦ, гума, пластика, гипс, стакло, фолија и многу други.
