Светската шампионка во тенис и нејзината ќерка заедно позираа во новата кампања на Stuart Weitzman…
Брендот Stuart Weitzman ја ангажираше својата глобална амбасадорка заедно со најзината мала слатка девојка како протагонисти во новата кампања, наречена „Footsteps to Follow“. Тригодишната ќерка на тениската sвезда, Алексис Олимпија Оханијан, позираше заедно со нејзината мајка во серија нови фотографии, со што колекцијата пролет/лето 2021 на брендот се најде во центарот на вниманието.
Облечена во високи потпетици во големина за возрасни, Олимпија докажа дека е природно талентирана во светот на модата. „Да бидам на сет со Олимпија додека ја снимав оваа кампања многу ми значеше и дефинитивно е момент кој никогаш нема да го заборавам“, изјави Вилијамс. „Таа е мини Серена; тоа е толку симпатично и забавно И, додека се обидувам да ја научам да има позитивно влијание врз нејзината околина, всушност, таа ме учи како да бидам секој ден уште посилна“.
Фотографирана од Итан Џејмс Грин, кампањата ги истакнува клучните стилови од новата колекција на Stuart Weitzman, вклучувајќи сандали Lyla Flat, кожни slip-on и Gala Lift Gladiator модел. Нора претставува интересен пресврт во стилот на класични Chelsea чизми, додека Roza Lift се разноврсни папучи со детали изработени од плетена рафија.
