Глобалната амбасадорка на брендот блескаше во новата „Be Your Element“ кампања…
Серена Вилијамс, глобална амбасадорка за брендот Stuart Weitzman, не запозна со нивната зимска колекција во новата кампања посветена на постудениот дел од годината. Тениската sвезда, која е заштитно лице на познатата марка од мај годинава, ги носеше класичните 5050 Lift чизми – модел што оди преку коленото, и Chain Lift, чизми до глужд нагласени со златни детали.
Дел од новата зимска колекција се чизми во моторџиски стил Jessie Lift, како и Jackson Lift – дерби модел со шила. Чизмите Carine Crystal и Arista Shine се опции со високи потпетици, кои се совршени за сезоната на празници.
Целата кампања „Be Your Element“ може да ја погледнете во галеријата, додека сите стилови веќе може да се купат преку официјалната веб-страница на брендот.
