Ако барате инспирација кога станува збор за истакнување на сребрените влакна во вашата коса, 63-годишната принцеза Каролина од Монако стана најдобриот пример за горенаведеното. На прославата на Денот на државноста во Монако, ќерката на холивудската дива Грејс Кели и принцот Рение се појавила минатиот месец со природна боја на коса и ги воодушеви сите присутни.
Како и многу дами, знаците на стареење во знакот на сребрените влакна со години вешто ги „маскирала“ монегаската принцеза боејќи ја косата во чоколадно кафеава нијанса.
Годината 2020 се покажа како значајна воопшто за седата коса. Поради карантинот, предизвикан од глобалната пандемија, многу дами не биле во можност да ја посетат својата омилена фризерка со месеци и да ја обноват бојата на косата, што на крајот резултираше со негување на нивниот природен изглед и поголем акцент на сребрените влакна.
Наместо да ги кријат сребрените влакна, жените ширум светот сега резервираат термини кај нивните омилени фризерски салони, за да им помогнат и стилизираат нивната седа коса со текот на годините.
Примерот за седа коса на принцезата од Монако, според многу фризери, е совршен начин постепено да се потенцира сребрените влакна. Со доаѓањето на сивата, првиот чекор би бил да се нагласат седите влакна околу линијата на косата, со цел да се намали ефектот на растот, а во горенаведеното, според фризерските стилисти, помагаат и балајаж техниките за боење на косата.
