Во овој момент, да се каже дека принцезата Дијана е икона за стил е еднакво на тоа да се каже дека 2020 година е без преседан. Неспорна вистина е дека Дијана била и ќе биде една од најважните и највлијателни личности во светот на модата (како и многу други ‘светови’).
Нејзините модни моменти од црвениот тепих и други настани и денес се споменуваат толку често како што и тогаш. Кадифе, карнери, јастучиња за рамо, дезени и накит создадоа фантастични модни моменти, но токму обичниот стил на Дијана го зацврсти нејзиниот статус на постојана икона во стилот.
Тоа беше мода што дотогаш не сме имале шанса да ја видиме од личност под кралското внимание: кратки велосипедски хеланки со спортски кошули, кошули со големи димензии со фармерки со висок струк, јакни со раменици споени со капи. Дијана дури го навлече дното на тренерката во високи чизми и ја направи пожелна оваа некомпатибилна комбинација.
Сепак, тоа е нејзината колекција на впечатлива, ако не и комплетно кичеста трикотажа која во моментов го доживува својот голем кам-бек благодарение на извонредниот дизајн на костуми на реномираната серија „Crown“ на Netflix.
Повторно се потсетивме на најдобрите модни моменти на Дијана, а вниманието особено го привлече враќањето на впечатливата трикотажа со дезен. И бидејќи е сезона на пуловери, џемпери и кардигани, идеално време е да го копирате нејзиниот уникатен стил. Погледнете ја нашата галерија и проверете кои модели ги најдовме во продавниците на улиците.
