Пенелопе Круз го помина својот летен одмор во магичниот град Портофино на италијанската ривиера која е позната дестинација меѓу славните ѕвезди.
Пенелопе Круз се препушти на вообичаените морски активности како сончање и пливање, а фотографите ја „уловиле“ како ужива на јахта во друштво на пријатели.
Шпанската актерка е љубител на едноделни костими за капење – а особено модели во впечатливи бои кои ѝ ласкаат на потемната кожа и коса.
Во Портофино носела портокалов едноделен костим за капење кој фантастично и стои. Пенелопе избрала модел со висок крој кој визуелно ги издолжува нозете и целата фигура.
Кога не била во тиркизното море, Пенелопе Круз носела тексас шорцеви преку костимот за капење, додека очите ги штитела од силното сонце со предимензионирани очила за сонце. Изданието го надополнила со златни кружни обетки.
